Josa: Nuk është ndeshje e zakonshme
Ndeshja më e rëndësishme e një faze të kampionatit në kryeqytet është derbi Tirana – Partizani. Përballja e së enjtes merr më shumë peshë pasi bardheblutë ndjekin në renditje Partizanin me dy pikë më pak dhe kanë plot 10 ndeshje pa fituar ndaj të kuqve. Hera e fundit ishte në 7 Shkurt të 2014.
Vetëm barazimi do t’i mbajë të dy skuadrat në të njëjtat pozicione. Humbja ose fitorja do të ndikonin për të ardhmen e kampionatit.
Interesimi i tifozerisë është në rritje. Deri në mesditën e kësaj të mërkure janë shitur më shumë se 4500 bileta nga 8300 vende në stadium. 1800 prej tyre i përkasin tifozerisë së Partizanit, që do të vendosen në tribunat B1, B2 dhe H1 H2.
Tv Klan