Vllaznia ndal Skënderbeun
Skënderbeu ndalet në Shkodër nga Vllaznia e Armando Cungut. Korçarët pas barazimit në Gjirokastër një javë më parë dolën sërish me një pikë.
Hamdi Salihi e kishte mundësinë të shënonte, pasi fitoi një 11 – metërsh edhe pse i dyshimtë. Shkodrani nuk u tregua i saktë ndaj ekipit vendlindjes së tij. Tentoi të shënonte me parabol, por Agovic, portieri i Vllaznisë i vëmendshëm, e pritit topin me qetësi.
Gjithsesi korçarët janë në vendin e parë të renditjes me 28 pik,ë në pritje të ndeshjes së të martës, Partizani – Kukësi. Vllaznia ruan vendin e 5 me 19 pikë.
Ky barazim ka sjellë pakënqësi tek tifozët korçarë, që edhe pse të paktë në numër kanë shfaqur irritim të madh ndaj skuadrës së tyre.
Artur Magani i ka dhënë fitoren Teutës ndaj Korabit në ndeshjen e luajtur në Kukës.
Djali i trainerit të ekipit durrsak, Gugash Magani, i ka mjaftuar durrsakëve që të largohen nga zona e rënies nga kategoria.
Në Laç, mes ekipit vendas dhe Luftëtarit janë shënuar 4 gola, por nuk ka fitues. Barazimi 2 – 2 i shërbeu vetëm gjirokastritëve që u ngjitën një shkallë më lart në renditje, ndërsa Laçi mbetet në vendin e 8.
Bruno Aquino është shpëtimtari i Laçit me dy golat e tij. Për Luftëtarin shënuan në pjesën e parë Boyom dhe Bregu.
Tv Klan