Video/ Grabitjet spektakolare… në vetëm 12 sekonda
Dyqanet e Apple në Amerikë kanë rënë shpesh pre e grabitësve, siç është rasti i një dyqani në Fourth Street në Berkeley, Kaliforni, që u grabit 3 herë brenda 9 ditëve, nga një grup djemsh që morën çfarë iu zuri dora.
Një gjë e ngjashme ndodhi edhe në një tjetër zonë, po në një dyqan Apple, që ndodhet në Chetnut Street, në San Francisco. Ky i fundit u grabit dy herë, më datë 25 dhe më datë 29 Nëntor.
Me shpresën se dikush mund të identifikojë autorët, policia ka publikuar pamjet e regjistruara nga kamerat e sigurisë.
Ajo që nuk ka sesi të mos bjerë në sy nga këto pamje është shpejtësi me të cilën ndodh gjithçka. Në grabitjen e parë, tre meshkuj të veshur me bluza me kapuç futen brenda dhe marrin çfarë të munden e më pas largohen me shpejtësi.
Gjithçka ndodh në vetëm 12 sekonda.
Edhe në grabitjen e dytë, skena është e ngjashme, ashtu sikurse dhe koha, I vetmi ndryshim është se grabitësit janë 4.
Deri më tani, sipas të përditshmes CNET, ende nuk ka patur asnjë arrestim për ngjarjet në fjalë./tvklan.al