Bashkim Shehu, shkrimtari i vitit
Bashkim Shehu është shkrimtari më i mirë për vitin 2015. Mes pesë kandidaturave, Ministria e Kulturës vlerësoi si më të mirin autorin e librit “Fjalor udhëzues për misterin e dosjeve”, me motivacionin….
Ceremonia u parapri nga një këngë e Bob Dylan, fituesit të Nobelit për letërsi…për rastësi ashtu si ai edhe Bashkim Shehu mungoi fizikisht në tërheqjen e çmimit.
E ndërsa Dylan kërkoi ta tërhiqte privatisht, arsyeja për Shehun ishte të jetuarit larg Shqipërisë, në Spanjë. Shkrimtari më i mirë për 2015 ishte kujdesur që në adresë të Ministres së Kulturës, Mirela Kumbaro, të dërgonte një letër falënderuese.
Përkthimin më të mirë e meritoi Edit Dibra, për shqipërimin e “Robinja” të Marcel Proust. 5 milionë lekë për krijimtarinë më të mirë letrare dhe 3 për përkthimin është vlera monetare që Ministria e Kulturës jep për çmimet më të rëndësishme letrare./ TV KLAN