Kartonë për tu ngrohur në banesë, humb jetën i moshuari nga zjarri
Një i moshuar ka humbur jetën, pasi zjarri përfshiu banesën e tij. Ngjarja ka ndodhur në rreth orës 08:05, në rrugën "Niko Avrami" në Tiranë.
Policia thotë se zjarri ka rënë zjarr në banesën e shtetasit Izajet Zhuti, 94 vjeç, i cili ka humbur jetën si pasojë e asfiksimit nga tymi i krijuar në brendësi të banesës.
Nga hetimet paraprake dyshohet, se ky shtetas ka ndezur disa kartonë në mes të banesës për tu ngrohur, të cilat kanë shkaktuar djegien e disa orendive të ndryshme duke sjellë më pas dhe asfiksimin e viktimës.
Grupi hetimor në vendin e ngjarjes po punon për sqarimin e plotë të rrethanave./tvklan.al