Mizoritë në Aleppo të Sirisë
Ka dështuar në Aleppo armëpushimi i arritur dje mes rebeleve dhe Assadit, i negociuar nga Moska dhe Ankaraja.
Rebelet dhe familjet e tyre, se bashku me civilet e tjerë të mbetur të rrethuar nuk janë evakuuar dhe tashme trupat e Assad po përgatiten të marrin me luftime dy lagjet e fundit të mbetura nën kontrollin e rebelëve në Aleppon Lindore.
Njoftimet nga burime te ndryshme thonë se autobusët që ishin bërë gati për evakuimin e rebeleve dhe civileve janë pas.
Ndërkohë raportohet edhe se bombardimet e ushtrisë siriane kanë rinisur, sipas burimeve nga brenda Aleppos që citojnë agjencitë e lajmeve.
Ndonëse asnjëra nga palët nuk ka shpallur fundin e marrëveshjes, burime nga pala ruse janë shprehur se rebelët kane shkelur kushtet e armëpushimit duke e shfrytëzuar ndalimin e luftimeve për tu rigrupuar.
Orët në vazhdim do të jenë vendimtare për rrjedhën që do të marrin ngjarjet dhe fatin e mijëra civileve që mbeten në zonën e kontrolluar nga rebelët./ TV KLAN