Vila: Në Korçë për fitore
Me pikë të barabarta në renditje, dhe në përballjen e fundit për 2016, mes Skënderbeut dhe Partizanit do të luhet supersfida e kampionatit. Do të luhet në Korçë dhe të dy skuadrat zbresin në fushë për të mos humbur, me shpresën tek një gabim i kundërshtarit. Hera e fundit që partizani ka fituar në Korçë ka qenë në muajin maj me golin e Emiliano Vilës në minutën e 90. Ai shpreson sërish të ndihmojë ekipin për një fitore megjithëse pranon se objektivi i titullit nuk do të komprometohet nga një humbje.
Megjithëse kanë shënuar 17 gola, 4 më pak se Kukësi kryesues por 2 më shumë se Skënderbeu, partizani sërish ka vështirësi në gjetjen e rrjetës kundërshtare
Si Skënderbeu, ashtu edhe Partizani, janë tashmë në ndjekje të Kukësit që u shkëput në vendin e parë pasi mundi korçarët 2-0 me golat e Pejic.
Tv Klan