Vogëlushi ra nga kolltuku dhe pësoi lëndime të tmerrshme
Eddie 18-muajsh ishte duke luajtur me të vëllain pak më të madh në cep të kolltukut kur papritmas ra dhe pësoi lëndime të mëdha në kokë.
“I thashë të zbriste por nuk më dëgjoi dhe buzëqeshi”, tha mamaja e tij Joanne Liberato. Vogëlushi filloi menjëherë të qante me të madhe dhe sytë iu errësuan. Në kokën e tij pati një ënjtje të menjëhershme. Në fillim mamaja e tij mendoi se ai do shërohej shpejt sepse nuk iu duk diçka serioze. Ajo më pas e çoi atë në spitalin Nambour General në Brisbane, Australi ku zbuloi se i biri duhej t’i nënshtrohej menjëherë një operacioni.
Nëse ajo nuk do e kishte çuar të birin në spital menjëherë ai do kishte ndërruar jetë.
Në operacionin që u krye atij i hoqën gjak nga truri dhe një pjesë të kafkës.
Tashmë atyre iu duhet të presin nëse kocka do i rritet sërish, ndërkohë ai duhet të mbajë në kokë një helmetë në mënyrë që të mos dëmtojë trurin e zbuluar./tvklan.al