Allegri ndahet nga Juve?
“
Do t’i kapja të gjithë me shkelma…”
Këto janë fjalët e Massimiliano Allegri të transkriptuara nga italianët, në këtë shfryrje të tij ndaj drejtuesve të klubit.
Dhe tekniku e ka fjalën për futbollistët, që mesa duket nuk kanë zbatuar porositë e tij, ndoshta të pakënaqur ndaj trajnerit. Një ndjenjë të tillë e kanë edhe atë që nuk luajnë.
Cuadrado, Mandzukic, apo Dybala, që mendohet të jetë lojtari që e ka irrituar më shumë Allegrin në Doha. Stolin e ka provuar edhe 90-milionëshi Higuain.
Hamendësimet e mediave italiane, e projektojnë që tani teknikun të Premier League tek Arsenal si pasues i Wenger. Francezit po i përfundon kontrata dhe ka marrë një ofertë nga PSG. Një tjetër ide është edhe Liverpool, por gjithsesi duhet të pritet fundi i sezonit.
Nga ana tjetër thuhet se edhe klubi është duke menduar zëvendësuesin. Në vend të parë të listës së atyre që pëlqehen është Paulo Sousa, i Fiorentinës, më pas Eusebio Di Francesco i Sassuolo. Me sy të mirë shihet edhe Leonardo Jardim i Monaco.
Por a duhet gjykuar trajneri Allegri nga një penallti e humbur në super Kupë? Në Torino është situatë delikate. Merkato e janarit mund të sjellë qetësi…/ TV KLAN