Mediat italiane: Las Palmas interesohet për Manajn
Skuadra spanjolle Las Palmas interesohet për të marrë Rei Manajn që pjesën e parë të sezonit luajti për ekipin e Pescara. Këtë lëvizje të mundshme e bën të ditur faqja e specializuar italiane
Tuttomercatoweb.com
.
Manaj fillimisht pritet të kthehet në Janar tek Inter, ekip që zotëron kartonin e tij deri në 2020. Megjithatë drejtuesit e zikaltërve preferojnë përsëri huazimin e lojtarit për të krijuar përvojë.
Las Palmas mund të jetë një shans për 19-vjeçarin, i cili deri më tani ka luajtur vetëm në Itali. Aventura te skuadra e Pescara nuk ishte nga më të mirat për sulmuesin e Kombëtares.
Trajneri i abrucezëve, Massimo Oddo nuk i dha shumë hapësirë, madje e pezulloi edhe për shkelje disipline. Në total Rei Manaj luajti 13 ndeshje në pjesën më të madhe si zëvendësues me ekipin e Pescara, duke shënuar edhe 2 gola.
Tv Klan