Chelsea ndalet nga Tottenham
Chelsea ndalet pas 13 fitoresh radhazi. Skuadra e Antonio Conte humbi derbin me Tottenham me rezultatin 2 – 0. Dy gola të Dele Alli vendosën fatin e përballjes më tërheqëse të javës së 20 të Premier League.
“Pas kësaj fitoreje mund të flasësh gjatë, por e rëndësishme është se u shfaqëm konkurrues përballë një ekipi në formë, një nga më të mirët në Europë”
– tha trajneri i Tottenham në konferencën pas takimit.
Nuk është shfaqur i mërzitur Antonio Conte, duke vlerësuar paraqitjen e ekipit të tij.
“Duhet të jemi të kënaqur me këtë lojë, pasi u mundëm nga një Tottenham i mirë. Duhet të jemi të kënaqur me atë që po bëjmë, pasi sezonin e kaluar e mbyllëm në vendin e dhjetë”
– tha Conte për mediat angleze.
Një ndalesë që nuk rrezikon kreun e klasifikimit për Chelsea, por i lejon rivalëve të afrohen. Blutë e Londrës në këtë mënyrë nuk arritën të barazonin rekordin e Arsenal.
Tottenham me këtë fitore ngjitet në vendin e tretë, pozicioni që të kualifikon në Champions League.
Tv Klan