Madonna adopton dy vajza binjake
Një nga këngëtaret më të njohura në botë, Madonna, ka prezantuar dy vajzat e reja në profilin e saj në Instagram, duke shkruar se ajo ka përfunduar procesin e adoptimit të binjakeve nga Malaui.
Ajo ka shkruar se është shumë e gëzuar për dy anëtaret e reja të familjes së saj.
Fëmijët e tjerë të Madonnës janë vajza 20-vjeçare, Lourdes, djali 16-vjeçar Rocco Richie, dhe dy fëmijët e tjerë të adoptuar, 11-vjeçarët David Banda dhe Mercy James.
Këngëtarja 58-vjeçare, që jo rrallë herë quhet “mbretëresha e muzikës pop”, ka siguruar lejen e Gjykatës së Lartë të shtetit afrikan gjatë kësaj jave për të adoptuar vajzat binjake./ tvklan.al