Hedh nga shkallët bashkëshorten shtatzënë, arrestohet burri
Dhuna në familje vazhdon të mbetet një problem shqetësuar. Një ngjarje e rëndë ka ndodhur në kryeqytet.
Policia thotë se ka arrestuar 40-vjeçarin Rezart Zani. Në banesën e tyre në rrugën “Ali Demi” ai ka ushtruar dhunë fizike ndaj bashkëshortes së tij. Pasi e ka dhunuar mësohet se Zani e ka hedhur nga shkallët bashkëshorten 39-vjeçare, e cila ishte dhe shtatzëne.
Gruaja ndodhet në spitalin Ushtarak, jashtë rrezikut për jetën. Po ashtu policia ka arrestuar edhe 39-vjeçarin Albert P., i cili në mënyrë sistematike, ka ushtruar dhunë fizike ndaj bashkëshortes së tij, M.P., 41 vjeçe./tvklan.al