Vetëvrasja e Brunilda Mekës, Prokuroria merr në pyetje drejtoreshën e ISSH
Prokuroria e Korçës ka thirrur dhe marrë në pyetje drejtoreshën e ISSH Ana Verushi. Burime të rezervuara në Prokurorinë e Korçës bëjnë të ditur se Verushi është thirrur dy herë në organin e akuzës, ku ka dhënë shpjegime para prokurorit të çështjes, në lidhje me vetëvrasjen e 52-vjeçares Brunilda Meka.Të njëjtat burime thonë se Verushi është marrë në pyetje dhe ka dhënë deklarime në cilësinë e personit që ka dijeni për ngjarjen. Në Prokurori priten të japin deklarime për ngjarjen bashkëshorti i Mekës dhe familjarë të tjerë.Tre javë më parë punonjësja e ISSH Brunilda Meka i dha fund jetës pas transferimit nga drejtuesit e insitucionit në një zonë 100 km larg Korçës. Familjarët e Mekës akuzuan drejtoreshën Ana Verushi si shkaktare të vetëvrasjes së 52-vjeçares.Menjëherë pas ngjarjes Prokuroria e Korçës filloi hetimet për veprën penale të shkaktimit të vetëvrasjes.TV KLAN