Vllaznia mposht Tiranën
Vllaznia mposht Tiranën në kryeqytet. Ndeshja hapëse e javës së 27 përfundoi 2-1 për shkodranët.
Tirana dominoi gjatë pjesën e parë.
Me fillimin e pjesës së dytë Gocaj shndërron në gol një penallti. Barazimi i Tiranës erdhi shumë shpejt nga Sise që u fut si zëvendësues.
Barazimi zgjati vetëm 3 minuta pasi Gurishta realizoi golin e fitores.
Me këtë fitore Vllaznia ngjitet në kuotën e 35 pikëve në vendin e pestë, një më pak se Luftëtari.
Ndërsa Tirana mbetet në krizë me 10 javë pa fitore.
Tv Klan