Flamurtari kthehet tek fitorja me 6 gola
Flamurtari rikthehet tek fitorja pas 6 javësh me një lumë golash ndaj Korabit. Vlonjatët shënuan 2 herë në pjesën e parë, në një ndeshje që dukej se do të përfundonte kështu, por në të dytën skuadra e Shpëtim Duros nuk u ndal duke realizuar edhe 4 herë të tjera.
Në përfundim të takimit vjen edhe deklarata bombë e trainerit të Korabit, që duket se justifikoi rezultatin e ndeshjes. Në kushtet e rënies nga kategoria, Gerd Haxhiu në mënyrë krejt të qartë kërkoi financa për futbollistët e Korabit që duket se ka kohë pa u paguar.
Teuta fitoi dhe iu larguar më shumë fundit të renditjes. Skuadra durrsake mposhti 2-0 në shtëpi Laçin, një rival i drejtpërdrejtë për mbijetesë. Në fund të pjesës së parë, Bruno Dita kërceu mbi të gjithë duke realizuar me kokë pas një krosimi nga këndi, ndërsa pesë minuta para përfundimit të takimit të njëjtën gjë bëri qendërmbrojtësi Bojan Markoviç.
Tv Klan