Protestuesit dhe mbështetësit e Trump përleshen në Kaliforni
Dhjetra mijëra persona kishin dalë në rrugët e Kalifornisë për të protestuar dhe për t’i kërkuar presidentit amerikan, Donald Trump që të bëjë deklarimin e pasurisë. Në të njëjtën kohë dolën edhe mbështetësit e tij në një tubim. Të dy palët u ndeshën në një pikë dhe filluan përleshjet.
Policia e Kalifornisë konfirmon se 21 persona u arrestuan në lidhje me ngjarjen. Ndërsa 11 persona u lënduan për shkak të përleshjeve të dhunshme.10
“Një numër i madh i zënkave kanë ndodhur dhe shumë fishekzjarrë janë lëshuar drejt qytetarëve”, thuhet në një deklaratë të forcave të rendit. “Janë përdorur edhe shumë sprajt djegës ndaj turmës”, shkruhet më tej në deklaratën e policisë.
Ndërkohë, ka pasur edhe dëme material të bizneseve që ndodhin në rrugët ku u verifikuan përleshjet. Përveç Kalifornisë, protesta kundër presidentit Trump janë zhvilluar edhe në 140 qytete të tjera amerikane.