Transportonte kanabis me furgon, në pranga i riu
Një 30-vjeçar është arrestuar në flagrancë mëngjesin e sotëm në Fier teksa transportonte me furgon 78 kilogramë kanabis.
Fabian Tomorri, banues në fshatin Velmish është arrestuar në dalje të qytetit të Roskovecit, në orën 04:00 të mëngjesit. Policia sekuestroi mjetin furgon tip ‘Fiat’ me targa AF 670 RB me të cilin po transportonte drogën si dhe tre telefona celularë. Droga e ndarë në 73 pako të mbështjella me natriban u gjet në pjesën e pasme të furgonit. Nga hetimet paraprake dyshohet se malli ka pasur si destinacion shtetin fqinj, Italinë./tvklan.al
