Red Bull sjell profesionistët Austriakë
Red Bull Skydive Team lartëson më tej nivelin e Kampionatit të 9-të Botëror të Fluturimeve të Lira në Preçizion, që po zhvillohet për herë të parë në Shqipëri, në datat 5 – 14 Maj.
Të ftuarit specialë, austriakët, Marco Waltenspiel dhe Marco Fuerst, kanë ngjyrosur qiellin me të kuqen e flamurit kombëtar dhe ngjyrën blu të flamurit të kampionatit, duke u lëshuar nga helikopteri nga një lartësi prej mbi 1500 metra, për të realizuar një shfaqje spektakolare me kostumin e tyre fluturues dhe parashutë mbi ujërat e kthjellët të qytetit të Vlorës në këtë çelje sezoni.
Marco Waltenspiel që prej vitit 2001 ka realizuar qindra shfaqje në mbarë botën. Pasionin për Sky Diving e ka trashëguar nga i ati dhe hedhjen e tij të parë e ka realizuar në moshën 11-vjeçare.
Pavarësisht nëse është ditë apo natë, mbi në det apo tokë, duke lëshuar flakë, tym apo valvitur flamurë gjatë shfaqjeve të tyre, Red Bull Skydive Team udhëton kudo nëpër botë duke bërë mijëra spektatorë të mbajnë frymën./TvKlan