Ekskluzive/ Zbulohet fotoja e 44 – vjeçarit që u vra në Itali
Ky është Agron Bashmeta, 44 - vjeçari i cili mbeti i vrarë një ditë më parë në Villongo të Italisë.
Mëngjesin e së hënës, Bashmeta shkoi jashtë punës ku punonte 44 - vjeçarja Donatella Chiari, i armatosur me thikë e kërcënoi dhe e sulmoi. Në përpjekje për të shpëtuar, ajo u fut në makinë, por ai nuk u dorëzua dhe u kap në pjesën e pasqyrës. E frikësuar gruaja i dha makinës mbrapa, duke e përplasur atë për vdekje. Agron Bashmeta lindi në Bago të Kavajës në vitin 1973. Ai ishte i martuar dhe babai i dy fëmijëve. Që prej vitit 1995 kishte emigruar në Itali, fillimisht në Lecce dhe më pas në provincën e Brescia -s. Djali i katërt i Shaqir Bashmetës, Agroni në vitin 2012 do të humbiste dhe vëllain Sherbetin, si pasojë e një aksidenti në kantierin ku punonin sëbashku. [caption id="attachment_289786" align="aligncenter" width="654"]
Viktima Agron Bashmeta, 44 - vjeç
[/caption]Raport miqësor apo sentimental me Donattella Chiarin ?
Një raport miqësor që nuk ishte shndërruar kurrë në një lidhje të mirëfilltë sentimentale; kjo është historia mes Donatella Chiari dhe Agron Bashmeta. Mediat italiane shkruajnë se ata ishin njohur shumë vite më parë, për shkak të një grindjeje, natën e Shën Stefanit në rrugët në Chiari, ku një nga protagonistët ishte edhe Agron Bashmeta, ndërsa Donatella kishte ndërhyrë për të qetësuar situatën në rolin e agjentes së policisë lokale. Që nga koha që ishin njohur, ata kishin patur një marrëdhënie që vazhdonte, por jo sentimentale, një gjë të cilën shqiptari siç duket nuk mund ta pranonte. Gjatë muajve të fundit, situata u përshkallëzua. Ai nisi ta kërcënonte, e telefononte gjatë gjithë kohës, çdo ditë. Përballë kësaj situate, ajo iu drejtua karabinierëve për ndihmë, për të disatën herë, megjithatë gruaja mësohet se nuk e kishte formalizuar denoncimin. Donattella Chiari, autore e ngjarjes është e divorcuar dhe nënë e një vajze./tvklan.al