Mrekullia që ndodhi me këtë foshnje
Ky foshnje u qëllua me plumb kur ishte ende në mitër, por fatmirësisht ka mundur të mbijetojë. Ngjarja ka ndodhur në Rio De Janeiro të Brazilit. Claudineia dos Santos Melo ishte në muajin e nëntë të shtatzënisë kur u qëllua nga një plumb qorr duke kaluar pranë një përleshje me armë mes bandave rivale.
Fëmija lindi përmes një operacioni çezarian, por tani është paraplegjik. Megjithatë, mjekët kanë shpresa se ai mund të shërohet. Gjinekologu Jose Carlos Olivera thotë se kurrë nuk kishte parë një rast si ky që fëmija t’i mbijetonte goditjes nga plumbi, raporton BBC. Plumbi goditi në mitër nënën shtatzënë dhe preku foshnjen e palindur. Claudineia dos Santos është gjithashtu në gjendje të qëndrueshme, pavarësisht disa lëndimeve pa rrezik. Policia braziliane ka nisur një hetim për këtë ngjarje./tvklan.al
