Rooney kthehet tek Everton
Wayne Rooney është kthyer te Everton, ekipi që e rriti si futbollist. Sulmuesi 31-vjeçar është larguar nga Manchester United, duke firmosur për 2 sezone. Rooney ishte pjesë e Djajve të Kuq prej vitit 2004 ku fitoi çdo trofe të mundshëm në Angli dhe jashtë saj.
Philippe Coutinho shikohet si një përforcim i domosdoshëm për Paris Saint Germain. Sipas mediave franceze për futbollistin brazilian janë gati 80 milionë euro. Kërkesa e Liverpool fillimisht ishte 100 milionë euro, por mund të ketë bisedime për të arritur një marrëveshje. Coutinho luan në Angli prej vitit 2013. Riyad Mahrez vlerësohet 50 milionë euro nga Leicester City.
Mediat angleze shkruajnë se ai është në merkato, por nuk ka ende oferta konkrete, por po vëzhgohet nga Barcelona dhe Arsenal.
Tv Klan