Vritet me armë 50-vjeçari në Shkodër
Një person ka humbur jetën pasi është qëlluar me armë zjarri këtë të hënë në Shkodër. Ngjarja ndodhi rreth orës 12:30, në vendin e quajtur Fushë Cukal, Vau i Dejës.
Sipas policisë, viktima është 50 – vjeçari Mhill Pali, banues në fshatin Fushë Cukal. Fillimisht ai mbeti i plagosur, por fatkeqësisht ndërroi jetë në spital.
Nuk dihet ende shkaku, por dyshohet se konflikti ka ndodhur për shkak të prerjes së druve për ngrohje. Fshati i Cukalit njihet si zona kryesore e furnizimit të Shkodrës me dru.
Policia ka ngritur pika të shumta kontrolli dhe po bëhet krehja e zonës për identifikimin dhe kapjen e autorit. /tvklan.al