Neymar jep spektakël në Francë
Neymar i bën të gjitha në një ndeshje, shënon, jep pasime për shokët e ekipit, madje fiton edhe një 11-metërsh. Suksesi 6 – 2 i Paris Saint Germain ndaj Toulouse ishte meritë e brazilianit që nuk pushon së befasuari falë cilësive të tij.
222 milionë euro të shpenzuara në mënyrën e duhur deri më tani, pasi ka shënuar në dy takimet e parë. Neymar ishte ai që barazoi rezultatin 31’, por perla e verëtetë ishte në kohën shtesë. Sulmuesi kaloi çdo pengesë në zonën kundërshtare, duke kaluar thuajse të gjithë lojtarët e Toulouse. Në Francë e shijojnë klasin e Neymar, ndërsa në Spanjë nuk e harrojnë ende, duke shkruar për paraqitjen e tij.
Paris Saint Germain është kthyer lider, duke kryesuar me pikë të barabarta me Monaco dhe St. Etienne pas 3 javësh kampionat.
Tv Klan