Alarm terrorist, anulohet koncerti në Rotterdam
Një koncert rroku në qytetin e Rotterdamit u anulua nga autoritetet holandeze pas një alarmi terrorist.
Pranë vendit ku do të mbahej koncerti i grupit amerikan “Allah-Las”, policia gjeti një furgon me targa spanjolle, të mbushur me bombula gazi. Mediat vendase njoftojnë se shoferi i furgonit është arrestuar. Policia holandeze njoftoi se situata është nën kontroll. Grupi amerikan “Allah-Las” ka marrë mjaft kritika për emrin e zgjedhur. Por pjesëtarët e tij shprehen se kanë zgjedhur fjalën Allah, pasi dëshironin të kishin një fjalë të shenjtë në emër, e jo për të ofenduar besimtarët myslimanë./Tv Klan