Video ekskluzive/ Aksident i rëndë në Xibrakë të Elbasanit, 7 të plagosur
Një aksident i rëndë ka ndodhur tek nënkalimi në Xibrakë të Elbasanit, ku janë përplasur dy automjete.
Policia bën me dije se një makinë tip “Benz” që drejtohej nga 50-vjeçari me iniciale B.B nga Tirana është përplasur me një makinë “Toyota” që drejtohej nga 37-vjeçari D.D nga Xhafzotaj i Durrësit. Nga aksidenti kanë mbetur të plagosur 7 persona. Konkretisht, janë dërguar në spital drejtuesit e dy mjeteve, S.B., 23 vjeçe banuese në Tiranë e cila ishte pasagjere në mjetin tip Benz; J.D., 5 vjeç banues në Xhafzotaj Durrës ( djali i drejtuesit të mjetit tip Toyota); K.D., 12 vjeçe banuese në Xhafzotaj Durrës (vajza e drejtuesit të mjetit Toyota) e cila ndodhet në gjëndje të rëndë për jetën; U.A., 23 vjeç banues në Durrës pasagjere në mjetin Toyota; Z.V., 35 vjeçe banuese në Durrës pasagjere në mjetin tip Toyota. Policia ndodhet në vendin e ngjarjes dhe ka nisur hetimet për të zbardhur shkaqet e aksidentit. /tvklan.al
