Foto – Video/ Panik teksa avioni detyrohet të kalojë mes tornadove
Pasagjerët e një avioni që po fluturonte drejt Sochit në Rusi kanë përjetuar momente paniku teksa mjeti i tyre fluturues është detyruar të kalojë mes disa tornadove para aterrimit në aeroportin pranë Detit të Zi.
Sipas “RT”, avioni është filmuar teksa kalonte fare pranë tri tornadove, në një kohë që në zonë u panë 12 tornado në total. Sipas medias ruse kjo është java e dytë në radhë që në brigjet e Detit të zi shikohen tornado. Video e avionit teksa kalon mes tornadove është postuar në rrjetin social rus “Vkontakte” ditën e martë. Po ashtu edhe fotot e shkrepura nga pasagjerët brenda avionit.
Media ruse tha se 9 fluturime ishin anuluar si pasojë e kushteve të vështira atmosferike në zonë, teksa disa avionë janë udhëzuar të ulen në aeroportet afër në qytetet e Anapas dhe Krasnodarit./tvklan.al
https://www.youtube.com//embed/qqjQdRicW1U