Furgoni përplaset me autobusin në Rrugën e Ndroqit, një i plagosur
Një furgon mallrash është përplasur mesditën e sotme me një autobus në Rrugën e Ndroqit, në Tiranë.
Sipas policisë, rreth orës 13:00 një furgon mallrash i drejtuar nga M.Ç është përplasur me një autobus që drejtohej nga N.B.. Si pasojë e përplasjes është dëmtuar drejtuesi i furgonit, i cili ndodhet në spital nën kujdesin e mjekëve.
Grupi hetimor në vendngjarje po punon për zbardhjen e rrethanave dhe shkaqeve të aksidentit./tvklan.al