Foto/ Shpërthen në flakë makina, plagoset rëndë shoferi

21:46 08/09/2017 Bulqizë/ Një person ka mbetur i plagosur rëndë këtë të premte në aksin rrugor Qafë Buall - Klos, pasi automjeti me të cilin udhëtonte u përfshi nga flakët.

Shkëlqim Çela lëvizte i vetëm, kur automjeti "Ford Foxus " me targa AA 779 AJ mori flakë në lëvizje e sipër, duke u djegur plotësisht.

Për pasojë, drejtuesi i mjetit ka marrë plagë të shumta dhe është transportuar për ndihmë më të specializuar në Tiranë.

Sipas policisë, paraprakisht shkak për rënien e zjarrit dyshohet të jetë bërë një defekt në baterinë e automjetit. Megjithatë në vendngjarje ndodhet grupi hetimor, i cili po punon për zbardhjen e shkaqeve. /tvklan.al

makine

Bulqize