Kukësi e nis kampionatin me fitore
Kukësi e nisi me fitore kampionatin. Ekipi kampion në fuqi mundi 1 – 0 me vështirësi Kamzën e rikthyer këtë sezon në Superligë. Një ndeshje e luftuar nga të dy skuadrat. Fukui për Kamzën dhe Bakaj Kukësin patën mundësitë më të mira gjatë pjesës së parë.
Pas pushimit trajnerët nisën me zëvendësimet, që dhanë rezultat te vendasit. Alijev i afruar gjatë meraktos së verës fitoi një 11-metërsh. Bakaj nuk gaboi me goditjen e tij, duke shënuar një gol të kërkuar prej 63 minutash.
Një lehtësim për Kukësin dhe trajnerin Milinkovic pas disfatës në finalen e Superkupës së Shqipërisë në mesjavë. Javën e ardhshme Kukësi do të ketë një sfidë të vështirë, pasi do të luajë me Partizanin në Tiranë.
Tv Klan