Aksident i rëndë, vdes drejtuesi i motorit dhe plagoset gruaja
Një aksident i rëndë ka ndodhur në aksin rrugor Kavajë-Rrogozhinë, ku një automjet tip Benz është përplasur me një motor pa targa.
Policia bën me dije se ka humbur jetën drejtuesi i motorit, 64-vjeçari me iniciale N.S dhe është plagosur bashkëshortja e viktimës, 60-vjeçarja me iniciale Sh.S, e cila ishte pasagjere në motor. Kjo e fundit është dërguar në spital në gjendje të rëndë.
Ndërkohë, uniformat blu kanë shoqëruar në komisariat drejtuesin e makinës, 46-vjeçarin me iniciale L.E.
Grupi hetimor në vendngjarje po punon për përcaktimin e rrethanave dhe shkakut të aksidentit.
/tvklan.al