Berisha tregon targat e “makinës së kokainës” dhe datat e transportit
Ish-Kryeministri Sali Berisha ka bërë akuza të forta ndaj Kryeministrit Edi Rama, të cilin e ka quajtur “kokën e meduzës së krimit të organizuar”.
Gjatë fjalës së tij në Parlament, Berisha foli për grupin e Xibrakës dhe një makinë që përdorej prej tyre për transport kokaine. Sali Berisha tregoi emrat e tyre, mes të cilëve edhe vëllain e Kryeministrit Edi Rama.
“Është një makinë me targa AA 635 DM dhe kjo makinë është makina e kokës së transportit të kokainës. Kush ka qenë pasagjer në këtë makinë? Pasagjer ka qenë në këtë makinë të përshtatur për transport kokaine e ka qenë Genci Xhixha, djali i sponsorizueses kryesore të Edi Ramës. Tjetër pasagjer Ermal Hoxha, pasagjer tjetër Gentjan Gjonaj, pasagjeri i katërt Olsi Kristaq Rama”,
ka thënë Berisha.
Ish-Kryeministri ka përmenduar edhe 4 data të transportit të kokainës që sipas tij ishin bërë me makinën e përmendur më sipër.
08.06.2014
13.07.2014
06.06 2014
11.7.2014
Pas fjalës së ish-Kryeministrit, ka ndërhyrë kryeparlamentari Gramoz Ruçi i cili u mbylli mikrofonin Sali Berishës pas përfundimit të minutave.
Mes ish-kryeministrit Sali Berisha dhe kryetarit të Kuvendit Gramoz Ruçi ka pasur një debat. Berisha nuk ka pranuar t’i lerë radhën kolegut që kishte fjalën. Në këtë mënyrë, Ruçi i tërhoqi vërejtje Berishës dhe ndërpreu seancës për 5 minuta deri në qetësimin e situatës.
/tvklan.al