Flamurtari kërkon vijueshmërie me Luftëtarin
Triumfi me Teutën javën e kaluar risolli qetësinë te Flamurtari. Ekipi vlonjat mori fitoren e parë në këtë kampionat. Sot në orën 17:00 në Vlorë do të presë Luftëtarin, një kundërshtar që nuk nënvlerësohet nga Shpëtim Duro.
Shpëtim Duro (Trajner i Flamurtarit)
Nuk ka vend për eufori pasi kampionati është i gjatë. Ekipi duhet të luajë mirë dhe rezultatin t’ia lemë fushës.
Në këtë sfidë Flamurtarit i kthehet Ditmar Bicaj, ndërsa mungesa e vetme duket mbrojtësi tjetër Franc Veliu. Megjithatë vëmendja më e madhe për javën e katërt është përqendruar te takimi i së hënës mes Kukësit dhe Skënderbeut. Ekipi i Mladen Milikoviç pas fitoreve me Laçin e Kamzën synon një sukses më të rëndësishëm ndaj një rivali direkt.
Mladen Milinkovic (Trajner i Kukësit)
Do të jetë një takim mjaft i vështirë, pasi luajmë kundër Skënderbeut. Një skuadër që ka bërë mirë në Europë dhe në kampionat. Megjithatë ne i kemi qëllimet e qarta dhe duam të fitojmë këtë ndeshje.
Shqetësim te Kukësi janë dëmtimet e Bakajt dhe Shameti, por mungesa të rëndësishme ka edhe Skënderbeu. Gavazaj dhe Radas janë të konfirmuar. Ndeshjet e javës së katërt do të zhvillohen në 3 ditë.
Tv Klan