Foto/ Breshëri mbulon Llogaranë, policia apel për kujdes
Policia Rrugore njofton se në aksin rrugor të Llogarasë qarkullimi i mjeteve funksionon me vështirësi pasi ka një prezencë të madhe reshjesh, për shkak të kushteve jo të mira atmosferike.
Konkretisht, në vendin e quajtur ''Pisha Flamur'', prej reshjeve të dendura të breshërit është krijuar një shtrese e cila e ka bërë pothuajse të pamundur kalimin dhe ngjitjen e këtij aksi. Shërbimet e Policisë Rrugore ndodhen në akset më problematike me qëllim sigurinë dhe ardhjen në ndihmë të qarkullimit të lëvizjes së mjeteve. Janë njoftuar edhe shërbimet e kompanisë së mirmbajtjes së rrugëve për pastrimin e këtij aksi. Policia kërkon nga të gjithë udhëtarët të cilët kanë intinerarë të kalojnë në aksin rrugor të Llogarasë të bëjnë kujdes gjatë qarkullimit dhe lëvizjes së tyre me mjet./tvklan.al
