Flamurtari në pozita delikate
Në kushtet aktuale të renditjes së Superligës Flamurtarit nuk i lejohet asnjë hap fals, në fakt asnjë barazim pasi janë shumë pranë me pikë skuadrat ndjekëse. Këtë të shtunë në Vlorë do të shkojë Teuta e cila ka humbur në përballjen e fazës së parë. Por për trajnerin e vlonjatëve Shpëtim Duro, ky nuk është faktor favorizues.
“Nuk është pikë referimi që kemi fituar të parën, ndeshjet nuk ngjajnë. Patjetër edhe Teuta vjen në një gjendje të mirë nga dy fitore.”
Flamurtari do të luajë sërish pa tifozë
“Kemi nevojë për tifozërinë, por do ta përballojmë. Duhet te jemi më të kujdesshëm që edhe skuadra të mos dëmtohet.”
Flamurtari ndodhet në vend të dytë ne kampionat me 20 pikë dhe kërkon fitoren e radhës për të ruajtur pozicionin në renditje, ndërsa Teuta përpiqet t’i largohet sa më shumë zonës së rënies nga kategoria.
Tv Klan