Foto/ 43 vjet burg për bandën e kokainës në Britani
Anëtarët e një bande shqiptare, përgjegjëse për futjen e sasive të konsiderueshme të kokainës janë dënuar me 43 vite burg në total nga një gjykatë britanike.
Ata e fshinin drogën në pjesë të ndryshe të automjetit dhe kishin krijuar një sistem tepër të sofistikuar për ta aksesuar atë falë një kombinimi butonash dhe një USB-je. Lideri i kësaj bande ishte Lulzim Zefi, 36-vjeç. Ai sëbashku me 4 anëtarët e tjerë u arrestuan nga oficerët e Agjencisë Kombëtare të Krimit më 27 Prill në Brentwood. [caption id="attachment_338324" align="aligncenter" width="780"]
Lulzim Zefi & Admir Simeqi
[/caption] Admir Simeqi, 41-vjeç po ruante dorëzimin e një sasie prej 3 kilogramësh kokainë Gjergji Markut, 25-vjeç përpara se të dorëzonte edhe 2 kilogramë të tjera Markut dhe Admir Bicit. Më vonë autoritetet gjetën edhe 4 kilogramë të tjera të fshehur në makinën e Simeqit. Siç shkruan "DailyMail", në total sasi e drogës së sekuestruar kapte një vlerë prej 720 mijë paund.
Zefi u takua me dy bashkëpunëtorët e tij Valon Bajgora, 34 vjeç dhe Valentin Malocaj, 36, në një restorant në West Hampstead, në veriperëndim të Londrës, ku dhe u arrestuan.
Grupi kishte qenë nën përgjim për 3 javë me radhë dhe ata ishin parë shpesh të takoheshin në kafe dhe në shtëpitë ku banonin.
Bajgora dhe Zefi u arrestuan teksa po i dorëzonin një sasi prej 153 mijë paund kesh Kamel Safieddine, 46, në një apartament të Kilburn.
[caption id="attachment_338325" align="aligncenter" width="835"]
Kamel Safieddine & Gjergji Marku
[/caption] Gjatë kontrollit të ushtruar në vendet e lidhura me bandën, u gjetën edhe 110 mijë paund të tjera kesh, ashtu sikurse peshore dhe pajisje të tjera që kishin gjurmë kokaine. Gjithashtu, autoritetet ndaluan një kamion që po largohej nëpërmjet Dover, në 7 Prill të këtij viti, ku u gjetën 212 mijë eure. Në përfundim, Gjykata e Kengiston e dënoi Lulzim Zefin me 12 vjet heqje lirie, Malocajn me 8 vjet, Bajgoren me 2 vjet e 8 muaj burg, Markun me 6 vjet heqje lirie. Ramadan Doci u dënua gjithashtu me 6 vjet burg, Simeqi me 6 vjet e 9 muaj, Bici me 2 vjet e 8 muaj, ndërsa Safieddine, me 1 vit e 9 muaj burg. [caption id="attachment_338326" align="aligncenter" width="835"]
Ramadan Doci, Valon Bajgora & Admir Bici
[/caption] Autoritetet britanike e konsideruan këtë grup kriminal"si tepër të organizuar dhe të vendosur, i përfshirë në shpërndarjen e kokainës në një nivel industrial."
Ata kishin arritur që të modifikonin automjetet në mënyrë të tillë që të transportonin mbi 15 kilogramë kokainë në një rrugë./tvklan.al