Kukësi barazon me Fenerbahçe
Me barazimin 2 – 2 të arritur në miqësoren e Antalias, të shtunën, Kukësi shkaktoi i shkaktoi nervozizëm Fenerbahçes.
Loja e bukur kampioneve të Shqipërisë dhe rezultati i bëri të humbnin qetësinë në fushë. Në fund portieri Volkan Demirel nuk e përmbajti veten. Iu hakërrye miqve në stol dhe shtyu gjithë inat portierin e trete të Kukësit, Ervis Koçin. Ndërhyrja e lojtarëve të tjerë dhe fërshëllima e gjyqtarit i dha fund tensionit dhe shmangu përplasjet e mëtejshme që ia prishën bukurinë miqësores së luajtur plot mjeshtëri nga kampionet shqiptarë.
Kukës shënoi i pari dy herë, në pjesë të parë.
Bakaj me një goditje nga jashtë zonës dhe Idirizi brenda saj shtangën kundërshtarët.
Koliçi në portë tregoi cilësitë e tij duke iu mohuar golin ekipit vendas dhe në pushim të ndeshjes shkohet me rezultatin 2 - 0.
Në pjesën e dyte Fenerbahçe e gjeti portën me anë të 2 penalltive.
Lojtarët e Kukësit protestuan, veçanërisht për rastin e dytë që ishte i dyshimtë.
Në tre ndeshje të zhvilluara në Antalia Kukësi ka fituar 2 dhe barazuar 1, duke dhënë sinjale pozitive pas një kampionati me probleme deri në këtë moment.
Me humbje e nisi Teuta përballjet në fazën përgatitore. Skuadra durrsake u mund me rezultatin 1 – 0 nga çekët e Slovasko. Tjetër disfatë për Luftëtarin me rezultatin 3 – 1 me ekipin turk Malatyaspor.
Tv Klan