Armando Sadiku transferohet te Levante
Armando Sadiku është një futbollist i Levante në La Liga. Sipas njoftimit të klubit spanjoll sulmuesi firmosi një kontratë deri në qershor të 2020.
Mirëseardhja nga ekipi i ri i është dhënë në shqip. Sadiku i është bashkuar menjëherë ekipit të ri, disa ditë para ndeshjes me Real Madrid në kampionat.
Armando Sadiku le kështu Legian e Varshavës pas vetëm pak muajsh, ku gjeti pak hapësira kohët e fundit. 26-vjeçari më parë është aktivizuar në Shqipëri dhe Zvicër. Te Levante sulmuesi i Kombëtares do të gjejë një tjetër shqiptar, por që luan për Maqedoninë, Enis Bardhin.
Ekipi nga qyteti Valencias po lufton për të qëndruar në La Liga ku nuk fiton një ndeshje prej më shumë se 2 muajsh. Levante renditet në vendin e 16 në kuotën e 19 pikëve.
Tv Klan