Gjarpri vret gruan shtatzënë dhe fëmijën e saj
Një grua shtatzënë dhe foshnja e saj e palindur kanë vdekur pak pasi u pickuan nga një gjarpër në oborrin e shtëpisë.
27-vjeçarja pësoi një sulm në zemër ndërsa mjekët e ndihmës së shpejtë arritën në shtëpinë e saj në Meekatharra, 773 kilometra në veri-lindje të Perthit në Australi, mbrëmjen e së hënës.
Gruaja ishte 31 javësh shtatzënë dhe u dërgua më shpejtësi në Spitalin Meekatharra ku edhe vdiq, sipas asaj që shkruan Daily Mail.
Pavarësisht përpjekjeve të tyre, mjekët nuk ishin në gjendje të shpëtonin as foshnjën e palindur të gruas.
Mendohet se gjendja shtatzënë e gruas ka përshpejtuar vdekjen e saj, ndërkohë që mjeku ligjor po bën verifikimet./tvklan.al