Partizani vs Kukësi për vendin e tretë
Edhe pse ndeshjen e kanë kundër njëri tjetrit Partizani dhe Kukësit luftojnë për vendin e tretë që aktualisht e mban Laçi.
Partizani gjendet në vendin e 6 me një pikë më pak se kampionët. Të dy skuadrat janë në vështirësi pasi kanë mungesa të rëndësishme në formacion. Vetëm dy ditë më parë, Partizanit iu pezulluan dy nga lojtarët më të rëndësishëm, Trashi dhe Batha.
Edhe mungesa e Prognit për kartonë e bën jashtëzakonisht të vështirë për stafin teknik për të ndërtuar një formacion të besueshëm. Klevis Dalipi dhe Sulejman Starova do t’i mëshojnë më së shumti motivimit të futbollistëve për të marrë maksimumin e tyre në fushë.
Një garanci për portën e Partizanit është Alban Hoxha. Përpara tij në mbrojtje do të rreshtohen Ibrahimi, Belica, Gjokoviç dhe Kotobelli. Sulejmani, Mala disi i tërhequr dhe Culum do të jenë në mesfushë. Në sulm Bardhi do të ketë mbështetjen e Asanit dhe Abdurahimit.
Me arnimet që ka bërë Partizani, Kukësit i janë rritur shpresat për të fituar me Partizanin pas 5 përballjesh. Kukësi nuk ka marrë një 3-pikësh me të kuqtë që prej tetorit të 2016 dhe për të arritur këtë në ndeshjen e sotme do të zbresë në fushë me Koliçin në portë. Zderiç, Hoxha, Musolli dhe Rrumbullaku në mbrojtje. Ethemi, Shkodra dhe Dzaria në mesfushë. Sulmi përbëhet nga Bakaj, Cale dhe Guri.
Tv Klan