Himni më i shëmtuar në histori
Është konsideruar himni më i shëmtuar në histori interpretimi i këngëtares së famshme amerikane Fergie. Ish pjesëtarja e grupit Black Eyed Peas kishte zgjedhur një version jazz të himnit amerikan në ceremoninë hapëse të All Star Game, një event i përvitshëm ky me lojtarët më të mirë të ligës së basketbollit amerikan.
Por nuk ka qenë vetëm zgjedhja e versionit jazz ajo që nuk është pritur mirë nga të pranishmit në sallë, por edhe toalitetet sexy të shfaqura herë pas herë në interpretim.
Dhe siç shihet qartë në pamje, disa nga lojtarët e NBA nisin të qeshin nga interpretimi i Fergit, situatë e cila ka vijuar edhe pas përfundimit të performancës.
Por komentet dhe ironia shpërtheu edhe tek komentatorët e lojës. Pas kësaj kam nevojë për një cigare tha Ish basketbollisti Charles Barkley pasi kolegu i tij e cilësoi sexy dhe ndryshe interpretimin e Fergiet.
Himni i ish pjesëtares së Black Eyed Peas u bë viral edhe ne rrjetet sociale ku shumë prej tyre mendojnë se Fergie është frymëzuar nga Jessica Rabbit dhe Marilyn Monroe.
Fergie e pranoi se himni nuk ishte puna e saj më e mirë, por tha se e do vendin e saj dhe bëri më të mirën e mundshme.
Tv Klan