Shakhtar fiton, Roma përmbyset në Ukrainë
Shakhtar Donetsk arriti një fitore me 2 – 1 në takimin e parë të Champions League me Roma.
Skuadra ukrainase triumfoi me rezultatin 2 – 1, duke reaguar në pjesën e dytë. Under realizoi për italianët në minutën e 41’. Pas pushimit ukrainasit ishin më të qartë. Ferreyra barazoi rezultatin në minutën e 51, ndërsa Fred me goditjen e tij përcaktoi fitoren e Shakhtar në mesin e pjesës së dytë. Roma shpëtoi nga një humbje më e thellë falë pritjeve te Allison. Pa gola përfundoi sfida Sevilla – Manchester United. Për ekipin e Mourinhos ishte një ndeshje e vështirë, pasi ekipi spanjoll iu afrua në disa raste golit.
“Rezultati nuk është i keq. Do të vendoset gjithçka në fushën tonë. Do të jetë e vështirë, pasi Sevilla është një ekip i organizuar, por barazimin në transfertë nuk mund ta quaj dështim.”
Me këto përballje mbyllen sfidat e para të fazës së 1/8 të Champions League.
Tv Klan