Skënderbeu merr pikë në Kukës
Skënderbeu barazoi 2 – 2 me Kukësin në ndeshjen më të rëndësishme të javës së 22 të Superligës.
Një sfidë që u zhvillua në kushte të vështira atmosferike për shkak të reshjeve të borës që mbuluan fushën e stadiumit “Zeqir Ymeri”.
Golave të Cale dhe Shkodrës për vendasit gjatë pjesës së parë iu kundërpërgjigj Soue në të dytën. Ky barazim e çon në 14 pikë diferencën e pikëve të Skënderbeut me Kukësin dhe Flamurtarin. Partizani u rikthye te fitorja. Ekipi kryeqytetas mundi Lushnjen e vendit të fundit me rezultatin 6 – 0.
Golat e Bardhit, Belicës, Prognit, Ramadanit dhe afrimit të merkatos së janarit, brazilianit Lucas vendosën fitoren e thellë të këtij kampionati për të kuqtë. 3 pikë tepër të vlefshme Partizanit në garën për një vend në kupat e Europës. Në ndeshjet e tjera të ditës Teuta mundi 2 – 1 Kamzën, ndërsa Laçi fitoi me rezultatin 1 – 0 me Vllazninë.
Tv Klan