Konflikt me armë, qëllohet me çifte drejt automjetit
Një konflikt mes dy personave ka përfunduar në përdorimin e armëve, fatmirësisht pa të lënduar. Ngjarja ka ndodhur në fshatin Bushat të Vaut të Dejës. Mësohet se në konflikt është përfshirë 40-vjeçari Zefjan Çuni dhe një person tjetër me iniciale Z.Ll. 40 vjeç.
Ky i fundit, pas debatit u largua në drejtim të automjetit të tij. Në këtë moment, Zefjan Çuni qëlloi me çifte drejt makinës së 40-vjeçarit, por fatmirësisht nuk u prek nga plumbat. Policia, e cila u njoftua për këtë konflikt, shkoi menjëherë në vendngjarje duke arrestuar autorin e dyshuar Zefjan Çuni.
Policia thotë se sherri mes dy personave nisi për motive të dobëta, ndërsa materialet iu referuan prokurorisë.
/tvklan.al