Policia ndjek makinën me drogë, arrestohet adoleshenti
Një automjet që transportonte lëndë narkotike në Sarandë është ndaluar nga policia, e cila ishte vënë në ndjekje të mjetit.
Automjeti, me të cilin udhëtonin dy persona, nuk iu bind fillimisht urdhrit të uniformave blu për të ndaluar dhe u largua.
Pas ndjekjes, policia mundi ta ndalojë dhe arrestoi 16-vjeçarin me iniciale A.O., ndërsa personi i dytë që ndodhej në mjet u arratis. Ai është identifikuar nga policia si 33-vjeçari me iniciale L.M. nga Tepelena. Gjatë kontrollit të makinës, u gjet një sasi kanabisi.
Adoleshenti i arrestuar dhe bashkëpunëtori i tij që është në kërkim, akuzohen për mosbindje ndaj urdhrit të policisë dhe prodhim e shitje të lëndëve narkotike.
/tvklan.al