Greqi/ Shoferi shqiptar përplas motorin me makinë, vetëdorëzohet në polici
Një 30-vjeçar shqiptar është shkaktari i një aksidenti të ndodhur në qytetin Kalamata të Greqisë. Në aksidentin që ndodhi rreth mesnatës, automjeti i shqiptarit përplasi një motor me të cilin udhëtonin dy të rinj të moshave 20 dhe 28 vjeç.
Këta të fundit mbetën të plagosur, ndërsa shqiptari u largua nga vendngjarja. Forcat e policisë mundën ta identifikonin dhe pas një bisede telefonike që zhvilluan me 30-vjeçarin, e bindën për t’u vetëdorëzuar.
Shqiptari shkoi vullnetarisht në komisariatin e policisë dhe u arrestua. Ndërkohë, dy personat që u plagosën ndodhen jashtë rrezikut në spital.
/tvklan.al