Motori përplaset me 2 makina, plagosen 2 të rinjtë
Dy të rinj janë plagosur mbrëmjen e së dielës në Divjakë, pasi motori me të cilin udhëtonin është përplasur me dy makina.
Sipas policisë, ngjarja ka ndodhur rreth orës 20:00, kur motoçikleta tip “Pianxho” me drejtues L.M, 23 vjeç, është përplasur fillimisht me një “Fiat” dhe më pas me një “Volkswagen”.
Si pasojë e përplasjes është dëmtuar drejtuesi i motoçikletës, i cili ndodhet jashtë rrezikut për jetën, dhe pasagjeri 17-vjeçar R.M., i cili u dërgua në Spitalin e Traumës në Tiranë për mjekim më të specializuar.
Grupi hetimor po punon për zbardhjen e plotë të ngjarjes./tvklan.al