Kuvendi i Kosovës mblidhet për “demarkacionin”
Deputetët kosovarë do të bëjnë një tjetër përpjekje, në seancën e orës 16:00 për të ratifikuar marrëveshjen për demarkacionin kufitar me Malin e Zi.
Deputetët e shumicës shprehen optimistë se marrëveshja do të miratohet pas disa seancave të dështuara gjatë javëve të kaluara.
Por Lista Serbe dhe Vetëvendosja nuk e kanë pranuar zyrtarisht se do të votojnë “Pro” marrëveshjes.
Pa mbështetjen e tyre nuk arrihen 80 votat e nevojshme për miratimin.
Mediat kosovare shkruajnë se 78 votave të shumicës mund tu bashkohen në mënyrë individuale deputetë nga këto dy grupe.
Tv Klan