Ibrahimoviç debuton me gola në Amerikë
Zlatan Ibrahimoviç tregon se i duhet vetëm pak që të jetë protagonist me ekipin e tij të ri Los Angeles Galaxy. Suedezi vendosi derbin me Los Angeles me golat e tij. Ibra hyri në fushë në minutën e ’71 kur Galaxy ishte në disavantazh. Pak më vonë realizoi nga më shumë se 30 metra largësi, duke befasuar të gjithë. 36-vjeçari shfrytëzoi edhe daljen e portierit kundërshtar që sapo kishte rivënë topin e në lojë.
Në kohën shtesë Zlatan Ibrahimoviç shënoi golin më të rëndësishëm të takimit që vendosi fitoren për Los Angeles Galaxy.
Një goditje me kokë që nuk i dha mundësi kundërshtarëve të reagonin. Një ndeshje e vendosur nga suedezi, i cili duket se do të lejë shenjë edhe në Shtetet e Bashkuara të Amerikës.
Tv Klan