Video/ Mesazhi i kolegëve përlot aktoren Suela Konjari
Projektet teatrale e kanë mbajtur gjithnjë pranë publikut aktoren e njohur Suela Konjari. Së fundmi ajo ka qenë pjesë e komedisë “Nderi i Kombit” me regji të Erion Isait dhe ka bashkëpunuar me shumë artistë të tjerë.
Ajo ishte sot e ftuar në emisionin “Kush vjen për drekë” në Tv Klan ku ka marrë edhe një videomesazh surprizë nga kolegët e saj.
Përmes videomesazhit ata shprehnin kënaqësi që aktorja Konjari ishte pjesë e tyre. Por ndërkohë që shihte videomesazhin, Konjari u emocionua dhe nuk mundi t’i mbante lotët.
“Në këtë botë për mua është shumë e rëndësishme dashuria njerëzore. Nëse ke miq të mirë që të duan je njeriu më i pasur në botë”,
tha e përlotur aktorja.
/tvklan.al